مولانا طارق جمیل کی طبیعت بہتر، نماز عشاء اپنے بیٹے کی امامت میں ادا کی



لاہور(24نیوز)مولانا طارق جمیل کو کامیاب انجیوگرافی کے بعد ایک اسٹنٹ ڈال دیا گیا ہے، ان کی طبیعت اب بہتر ہے اوروہ کل بھی ہسپتال میں زیرِعلاج رہیں گے، طبیعت سنبھلنے پر نماز عشاء اپنے بیٹے مولانا یوسف کی امامت میں ادا کی۔ 

تفصیلات کے مطابق مولانا طارق جمیل گزشتہ رات کینیڈا کا دورہ مکمل کرنے کے بعد لاہور پہنچے تھے، آج صبح اچانک انہیں دل کی تکلیف ہوئی جس کے باعث انہیں نجی ہسپتال منتقل کیا گیا، جہاں  ڈاکٹرز کے پینل نے چیک اپ کہ بعد انجیو گرافی کا مشورہ دیا تھا۔ مولانا طارق جمیل کی طبیعت اب بہتر ہوگئی ہے ، ان کی انجیو گرافی کے بعد ایک سٹنٹ ڈالا گیا ہے۔ 

ضرور پڑھیں:انکشاف15 جون 2016

واضح رہے کہ مولانا طارق جمیل نے آج چیف جسٹس آف لاہور  کی حلف برداری تقریب میں خصوصی شرکت کرنا تھی لیکن وہ طبیعت نہ ساز ہونے پر شرکت نہیں کرسکے۔

M.SAJID KHAN

CONTENT WRITER