دوسروں کے کیس لڑنے والوں کیلئے بڑا حکم آگیا

دوسروں کے کیس لڑنے والوں کیلئے بڑا حکم آگیا


اسلام آباد( 24نیوز )دوسروں کے سچ اور جھوٹ کو ثابت کرنے کی جنگ لڑنے والوں کو اب اپنا سچ ثابت کرنا پڑے گا،جی ہاں، سپریم کورٹ نے 2005 سے لے کر اب تک وکلا کی تمام ڈگریوں کی تصدیق کا حکم دیا ہے۔
عدالت نے حکم دیا کہ ایڈیشنل رجسٹرار سپریم کورٹ کے دفتر میں وکلا کی ڈگریوں کی تصدیق کی جائے گی جس کے دوران 2005 سے اب تک وکلا کی تمام ڈگریوں کی تصدیق کی جائے گی، سپریم کورٹ نے کہا کہ تمام جامعات ڈگریوں کی تصدیق خود کریں گی۔
چیف جسٹس پاکستان جسٹس میاں ثاقب نثار نے وکلا کی جعلی ڈگریوں سے متعلق ازخود نوٹس کی سماعت کی،عدالت نے سپریم کورٹ کی تمام بار کونسلز کو ایڈیشنل رجسٹرار سے تعاون کی ہدایت کرتے ہوئے سماعت 10 جولائی تک کے لیے ملتوی کردی۔

 یہ بھی پڑھیں: نو ماہ ،109سماعتیں،ایون فیلڈ ریفرنس فیصلہ پرسوں سنایا جائے گا  
یاد رہے کہ رواں سال 10 مئی کو ایک کیس کی سماعت کے دوران وکیل رہنما حامد خان کی استدعا پر چیف جسٹس نے وکلا کی جعلی ڈگریوں سے متعلق از خود نوٹس لیتے ہوئے تمام بار کونسلز کو نوٹسز جاری کیے تھے۔
چیف جسٹس نے کہا تھا کہ تمام بار کونسلز ایک ماہ میں فوری طور پر عمل کر کے رپورٹ دیں جب کہ عدالت نے اس معاملے پر معاونت کے لیے ہائرایجوکیشن کمیشن کو بھی ہدایات جاری کی تھیں۔