نواز شریف کی ”خلائی مخلوق “کی تردید الیکشن کمیشن نے کردی

نواز شریف کی ”خلائی مخلوق “کی تردید الیکشن کمیشن نے کردی


اسلام آباد( 24نیوز ) نواز شریف کی ” خلائی مخلوق “کی وضاحت الیکشن کمیشن نے کردی ،ترجمان الیکشن کمیشن کا کہنا ہے کہ انتخابات کوئی خلائی مخلوق نہیں کروارہی بلکہ الیکشن کمیشن عام انتخابات 2018 کیلئے مکمل تیار ہے۔

الیکشن کمیشن نے وزیر اعظم کے خلائی مخلوق والے بیان کی تردید کرتے ہوئے کہا الیکشن کمیشن عام انتخابات 2018 کے لیے مکمل تیار ہے اور انتخابات کوئی خلائی مخلوق نہیں کروارہی، یہ بیان آئین کی روح اور الیکشن کمیشن کے مینڈیٹ کے خلاف ہے جب کہ الیکشن کمیشن آئینی وقانونی ذمہ داریوں میں مکمل آزاد ہے۔

ترجمان الیکشن کمیشن نے پریس کانفرنس کرتے ہوئے کہا کہ اہم منصب پر فائز شخصیات ایسے بیانات سے گریز کریں، ایسے بیانات محض قیاس آرائیوں اور مفروضوں پر مبنی ہوتے ہیں، ایسے بیانات آئین کا تمسخر اڑانے کے مترادف ہیں۔

ضرور پڑھیں:انکشاف 16 جون 2019

واضح رہے کہ گزشتہ روز صحافیوں سے غیر رسمی گفتگو میں وزیراعظم شاہد خاقان عباسی کا کہنا تھا کہ اسمبلی اپنی مدت پوری کرے گی، آئندہ انتخابات شفاف ہوں گے اور الیکشن 90 دن میں نہیں بلکہ 60 دن میں ہوں گے جب کہ خلائی مخلوق انتخابات کرائے گی لیکن ہم انتخابات میں حصہ لیں گے۔