سونم کپور شادی کر رہی ہیں، دوستوں نے راز افشا کر دیا


ویب ڈیسک: بالی وُڈ کی چنچل اور چیخل اداکارہ سونم کپور شادی کے بندھن میں بندھنے جا رہی ہیں۔ اس راز سے پردہ صفِ اول کی اداکارہ کے قریبی دوستوں نے اٹھایا۔

سونم کپور بھارتی فلم نگری کی صف اول کی ادکارہ ہیں جنہوں نے کئی سپر ہٹ فلموں میں اداکاری کے جوہر دکھائے ہیں۔ اداکارہ ور اسٹائل اداکار انیل کپور کی صاحبزادی ہیں اور اس وقت بھی وہ 2 فلموں کی شوٹنگ میں مصروف ہیں۔

یہ بھی پڑھئے: ویرات، انوشکا کی شادی ہو گئی

اداکارہ طویل عرصے سے بزنس مین آنند اہوجا کے ساتھ دوستی کے باعث خبروں میں ہیں اور کئی بار انہیں اسی وجہ سے تنقید کا بھی سامنا کرنا پڑا ہے۔ لیکن اب کپور خاندان سے آنی والی خبروں نے سب کو حیران کر دیا ہے اور اداکارہ کے قریبی دوستوں کے مطابق سونم کپور نے رواں سال اپریل میں شادی کرنے کا فیصلہ کر لیا ہے۔

آنند اہوجا اور سونم کپور کی شادی بھارتی ریاست راجستھان کے تاریخی شہر جودھ پور میں ہو گی جس میں خاندان کے قریبی افراد اور چند دوست شریک ہوں گے۔

واضح رہے کہ اداکارہ سونم کپور یا ان کے خاندان کی جانب سے شادی کی خبروں کی تصدیق یا تردید نہیں کی گئی ۔

بھارتی میڈیا کا کہنا ہے کہ کپور خاندان شادی کی تیاریوں کو خفیہ رکھنا چاہتا ہے اور اسی لیے شادی کی تیاریوں کو سونم کے کزن موہت کی شادی قرار دے رہے تھے لیکن قریبی دوستوں نے سونم کی شادی کی اطلاع دے کر سارا بھانڈہ پھوڑ دیا ہے۔

یاد رہے کہ اداکارہ سونم کپور اور آنند اہوجا  کو 2 سالوں سے تقریبات میں ایک ساتھ دیکھا جارہا ہے۔