4 ماہ میں خسارہ کیسے کم ہوگیا ؟ ریلوے حساب دے

4 ماہ میں خسارہ کیسے کم ہوگیا ؟ ریلوے حساب دے


لاہور ( 24 نیوز ) ریلوے کی لاٹری نکل آئی یا الہٰ دین کا چراغ ہاتھ لگ گیا؟ وفاقی وزیر شیخ رشید نے ریلوے کاایف ایم ریڈیوشروع کرنے کااعلان کردیا،  کہتے ہیں ریڈیو پر ریلوے   ے متعلق معلومات اور عوامی دلچسپی کی خبرنشر ہوا کریں گی۔

  شیخ رشید ریلوے خسارے کی دن رات گردان کرتے نہیں تھکتے تھےمگرخسارہ تھا بھی یا صرف محض الزام تراشی تھی؟ اب کوئی لاٹری نکل آئی ہے یا الہٰ دین کا چراغ ہاتھ لگ گیا کہ شیخ رشید چار مہینے میں ہی منافع کی باتیں کرنے لگے ہیں۔ نئی ٹرینوں کا افتتاح کررہے ہیں ، اس میں کتنی حقیقت ہے کہ وہ پرانے ڈبوں کو ہی پالش کراکر نئی ٹرین کا نام دےدیتےہیں یا ریلوے واقعی منافع میں آگیا ہے؟

علاوہ ازیں اب شیخ رشید   ریلوے کا نیا ایف ایم ریڈیو شروع کرنےچلے ہیں۔میڈیا سے گفتگو میں اعلان بھی کردیا کہ ریڈیو پرریلوے سے متعلق اور عوامی دلچسپی والی خبریں چلیں گی اور عوام کو ریلوے سے متعلق اپ ڈیٹس ملیں گی۔ شیخ رشید نے ریلوے پولیس کی تنخواہ بھی پنجاب پولیس کے برابر کرنے کا اعلان کردیامگر یہ راز سامنے نہیں لائے کہ چارمہینےمیں ریلوےکاخسارہ کیسے ختم ہوگیا؟