فیس بُک پر نئی پابندیاں عائد

 فیس بُک پر نئی پابندیاں عائد


برلن(24نیوز)جرمن حکام نے اپنے ملک میں سوشل میڈیا کے حوالے سے اہم فیصلہ سناتے ہوئے فیس بُک پر نئی پابندیاں عائد کردی ہیں اور اسے مختلف ذرائع سے ڈیٹا جمع کر کے اسے اکٹھا کرنے سے روک دیا ہے۔

تفصیلات کے مطابق جرمنی کے فیڈرل کمپنی ٹیشن آفس کی جانب سے دیے گئے فیصلے میں کہا گیا کہ وہ فیس بک کے لیے نئی حدود کا تعین کرے گا کہ وہ اپنے ذیلی اداروں انسٹا گرام اور واٹس ایپ سمیت دیگر ذرائع سے کس طرح ڈیٹا اکٹھا کرے گا،حکام نے کہا کہ مستقبل میں صارفین کا کسی بھی قسم کا ڈیٹا لینے سے قبل فیس بک کو مذکورہ صارف سے اجازت لینا ہو گی۔

ایف سی او کے سربراہ ایندریاس منڈٹ کو دیے گئے فیصلے میں اپنے بیان میں کہا کہ اگر صارفین نے ڈیٹا دینے پر رضامندی ظاہر نہ کی تو فیس بک کو انہیں اپنی سروسز سے محروم نہیں کر سکے گا اور دیگر ذرائع سے ڈیٹا جمع کرنے اور انہیں یکجا کرنے سے باز رہنا ہو گا۔