یونیورسٹی کی کلاس میں بم دھماکہ، 23طلبہ زخمی

یونیورسٹی کی کلاس میں بم دھماکہ، 23طلبہ زخمی


کابل(24 نیوز) افغانستان کی غزنی یونیورسٹی میں دھماکے سے 23 سے طلبہ زخمی ہوگئے۔

افغانستان کے جنوب مشرقی علاقےمیں واقع غزنی یونیورسٹی میں منگل کو بم دھماکہ ہوا جس کے نتیجے میں 23 سے زائد طلبہ زخمی ہوگئے۔میڈیا رپورٹس کے مطابق دھماکہ کلاس روم کے اندر ہوا جس کی سرکاری سطح پر بھی تصدیق کی گئی ہے۔ ترجمان گورنر نے بتایا کہ دھماکے سے زخمی ہونے والوں میں 12 طالبات بھی شامل ہیں جب کہ زخمیوں میں سے بعض کی حالت تشویشناک ہے۔

مقامی میڈیا کے مطابق اب تک کسی تنظیم کی جانب سے دھماکے کی ذمہ داری قبول نہیں کی گئی ہے۔میڈیا رپورٹس میں بتایا گیا ہےکہ صوبے میں طالبان کے گروپ انتہائی سرگرم ہیں جو تواتر سے سیکیورٹی فورسز پر بھی حملے کرتے ہیں۔گزشتہ ماہ بھی غزنی یونیورسٹی کی بس میں دھماکا خیز مواد نصب کیا گیا تھا جس کے نتیجے میں بس کا ڈرائیور ہلاک ہوا جب کہ پانچ طلبہ بھی زخمی ہوئے تھے۔

Malik Sultan Awan

Content Writer