’’عمران خان ملک چھوڑ کر بھاگ جائیں گے‘‘

’’عمران خان ملک چھوڑ کر بھاگ جائیں گے‘‘


کراچی (24نیوز)پیپلز پارٹی کے رہنما نواب منظور وسان نے نئی پیشگوئی کردی ،کہتے ہیں کہ وزیر اعظمعمران خان ملک چھوڑ کر بھاگ جائینگے،یہ بھی کہا کہ  سندھ میں گورنر سے بیانات دلانا ملک کو توڑنے کی سازش ہے، عمران خان کے ذریعے ملک کو توڑنے کی سازش کی جاسکتی ہے۔

کراچی میں سندھ ہائیکورٹ کے باہر میڈیا سے گفتگو کرتے ہوئے منظور وسان نے کہا کہعمران خان پر آئی ایم ایف کا کنٹرول ہوگیا ہے، عید کے بعد ان کے لیے مزید مشکلات بڑھیں گی، عمران خان وزیراعظم کا عہدہ چھوڑ کر بھاگ جائیں گے کیونکہ کچھ قوتوں کی کوشش ہے کہ ٹیکنوکریٹ کے ذریعے حکومت چلائی جائے۔

پی پی رہنما کا کہنا تھاکہ نوازشریف الیکشن نہیں لڑیں گے بلکہ ان کی جگہ مریم نواز الیکشن میں حصہ لیں گی، ہوسکتا ہے میاں صاحب کو ایک دو ماہ میں عدالتوں سے ریلیف مل جائے۔

انہوں نے مزید کہا کہ ہمارا فیصلہ عدالت کے ہاتھ میں ہے، اقامہ 2012 میں لیا 2013 میں فارم میں بھرا، چھپایا نہیں، 2015 میں ختم کروایا، اقامے کی وجہ سے کوئی ٹرانزیکشن نہیں ہوئی اور میں الیکشن بھی نہ لڑسکا، اگر الزام لگایا گیا ہے تو نکال لیں پیسے، ہم احتساب سے نہیں ڈرتے۔ حکومت مشرف کو بھی تو واپس لائے انہیں کیوں نہیں لایا جارہا۔

اظہر تھراج

Senior Content Writer