کسٹمز حکام کی بڑی کارروائی،سونا اسمگل کرنے کی کوشش ناکام بنادی

کسٹمز حکام کی بڑی کارروائی،سونا اسمگل کرنے کی کوشش ناکام بنادی


اسلام آباد( 24نیوز )  ایئرپورٹ پر کسٹمز حکام نے کارروائی کرتے ہوئے بیرون ملک سونا اسمگلنگ کی کوشش ناکام بنادی۔

تفصیلات کے مطابق اسلام آباد  ایئرپورٹ پر مسافر احمد فراز کے سامان سے 950گرام سونا ملا ، مسافر پی آئی اے کی پرواز پی کے 233 سے دبئی جارہا تھا، محکمہ کسٹمز نے سونا قبضے میں لے لیا ، اسکیننگ کے دوران افسران کو پتہ چلا کہ مسافر کے پاس سونا ہے۔

کسٹمز حکام نے بروقت کارروائی کرتے ہوئے مسافر کو گرفتار کرلیا اور لاکھوں مالیت کا سونا قبضہ میں لے لیا، کسٹمز حکام کا کہناتھا کہ مسافر سے مزید تحقیقات کی جارہی ہیں۔