وزیراعلی پنجاب کی لوکل گورنمنٹ ڈویلپمنٹ پروگرام پر کام کرنے کی ہدایت

وزیراعلی پنجاب کی لوکل گورنمنٹ ڈویلپمنٹ پروگرام پر کام کرنے کی ہدایت


(24نیوز): وزیر اعلی میاں محمد شہباز شریف نے لوکل گورنمنٹ ڈویلپمنٹ پروگرام کے 11 ارب 83 کروڑ روپے 28 فروری تک خرچ کرنے اور لاہور شہر سمیت صوبہ بھر  کی4015 یونین کونسلز میں کام مکمل کرنے کی ہدایت کردی۔

محکمہ بلدیات نے لاہور شہر سمیت پنجاب بھر کی 4015 یونین کونسلز کو 25 لاکھ روپے فی کس اور ہر وارڈ کو پانچ لاکھ روپے دینے کا عمل شروع کر دیا ہے۔ پنجابکی کل 3587 وارڈ ہیں ، ہر یونین کونسل کو25 لاکھ اور ہر وارڈ کو 5 لاکھ کی گرانٹ جاری کی جا رہی ہے۔

11 ارب ، 83 کروڑ روپے کی لاگت سے ہر یونین کونسل میں گلیوں اور نالیوں کو پختہ کیا جائے گا۔ وزیر اعلی پنجاب نے یہ کام 28 فروری تک مکمل کرنے کی ہدایت کی ہے۔ وزیر اعلی نے محکمہ بلدیات کو یہ کام تیزی سے مکمل کرنے کی ہدایت کی ہے۔ محکمہ بلدیات کا کہنا ہے کہ بجٹ جاری ہوتے ہی یہ پروگرام شروع ہوگا۔