کامیاب لوگ، فوربز میگزین کی فہرست میں 4 پاکستانی شامل

کامیاب لوگ، فوربز میگزین کی فہرست میں 4 پاکستانی شامل

واشنگٹن(24نیوز) امریکا کے فوربز میگزین نے دنیا کے کامیاب افراد کی فہرست جاری کردی ہے، جس میں چار پاکستانی نژاد امریکی بھی شامل ہیں۔


تفصیلات کے مطابق امریکا کے کاروباری اور تجارت کے حوالے سے موقر جریدے فوربز نے 30 سال سے کم عمر600 بااثر اورکامیاب نوجوانوں کی فہرست جاری کردی، فہرست میں چار پاکستانی بھی شامل ہیں۔

فوربز کی فہرست میں شامل پاکستانی نژاد امریکی شہری سارہ احمد نیویارک میں وارپ اور ویفٹ کےنام سے کپڑوں کا کامیاب کاروبار کر رہی ہیں، ان کی کمپنی سالانہ دو لاکھ ڈالرز سے زائد کا منافع کماتی ہے۔

پاکستانی نژاد امریکی شہری زیاد انعام کسٹمر سروس کی کامیاب ویب سائٹ چلاتے ہیں۔

لاجسٹک کے شعبے میں خدمات دینے والے خضر حیات بھی بااثر کامیاب کی فہرست میں اپنی جگہ بنانے میں کامیاب رہے۔

رضا منیر تعلیم کے شعبے میں کامیاب افراد ٹھہرے، رضا منیر طالب علموں کو آسان شرائط پر قرض حسنہ دیتے ہیں۔ وہ اب تک پانچ ہزار طالب علموں کوقرض حسنہ دے چکے ہیں۔