خواتین چولہے چھوڑ کر الیکشن مہم پر لگ گئیں

خواتین چولہے چھوڑ کر الیکشن مہم پر لگ گئیں


گوجرانوالہ ( 24نیوز )الیکشن کی گہما گہمی عروج پر ہے لوگ اپنے پسندیدہ امیدواروں کی الیکشن مہم میں مصروف ہیں، ان کا ساتھ دینے کیلئے گوجرانوالہ میں خواتین بھی میدان میں آگئیں اور الیکشن مہم کا حصہ بن گئیں۔

جب سے الیکشن کا اعلان ہوا ہے تو امیدواروں کے ڈیرے بھی لوگوں سے بھرے نظر آتے ہیں لیکن حلقہ پی پی 55 میں نون لیگ کے امید وار نواز چوہان کی حمایت کے لئے خواتین میدان میں آگئی ہیں جو گھر کے چولہے کو چھوڑ کر ہاتھوں میں پارٹی منشور لئے گھر گھر جا کر خواتین سے ووٹ مانگ رہی ہیں۔

یہ بھی لازمی پڑھیں۔۔۔   پانچ ہزار فالوورز رکھنے والے سوشل میڈیا صارفین کیلئے بری خبر

ضرور پڑھیں:انکشاف 16 جون 2019

انتخابی مہم کے دوران حلقہ کی گھروں میں بیٹھی خواتین بخوشی ان کا ناصرف منشور لیتی بلکہ ان کے امیدوار کو ووٹ دینے کا وعدہ بھی کرتی رہیں اس موقع پر ان کا کہنا تھا کہ ان کے نامزد امیدوار نے حلقے میں ان کے مطالبات پورے کئے اور تمام سہولیات بھی فراہم کی ہیں تو وعدے کے مطابق ووٹ کا حقدار بھی یہ ہی امیدوار ہے ۔

اس موقع پر نواز چوہان امیدوار برائے صوبائی اسمبلی کا کہنا تھا کہ یہ ان کی ماوں بہنو ں کا پیار ہے کہ وہ خود گھروں سے نکل کران کے لئے انتخابی مہم کر رہی ہیں ۔