اپوزیشن کا حکومت کیخلاف محاذ تیار،آج اسلام آباد میں اکٹھ ہوگا



اسلام آباد(24نیوز)اپوزیشن کا حکومت کیخلاف محاذ تیار،آج اسلام آباد میں اکٹھ ہوگا۔

چیئرمین پیپلز پارٹی بلاول بھٹو زرداری کی جانب سے تمام اپوزیشن جماعتوں کو افطار ڈنر کی دعوت دی گئی ہے جس میں مریم نواز سمیت دیگر شریک ہوں گے۔

زرداری ہاؤس اسلام آباد میں افطار ڈنر کے لیے جمعیت علماء اسلام (ف) کے سربراہ مولانا فضل الرحمان ، عوامی نیشنل پارٹی کے صدر اسفند یار ولی ، جماعت اسلامی کے امیر سراج الحق کو وفود سمیت شرکت کی دعوت دی گئی ہے۔ 

ذرائع کے مطابق افطار ڈنر سے قبل اپوزیشن قائدین کا مشترکہ مشاورتی اجلاس ہو گا جس میں ملک کی سیاسی صورتحال، معاشی بحران سمیت اہم امور پر تبادلہ خیال کیا جائے گا۔  مسلم لیگ ن کی قیادت کئی سال بعد زرداری ہاؤس میں کسی اجلاس میں شرکت کرے گی اور (ن) لیگ کا وفد سینئر نائب صدر شاہد خاقان عباسی کی زیر قیادت بلاول بھٹو زرداری کی افطار میں جائے گا۔

لیگی وفد میں سردار ایاز صادق، مریم نواز، حمزہ شہباز اور پرویز رشید شامل ہوں گے۔

اظہر تھراج

Senior Content Writer