چوکےچھکے لگیں گے،وکٹیں اڑیں گی، پی ایس ایل تھری کا آج دبئی انٹرنیشنل اسٹیڈیم میں آغاز

چوکےچھکے لگیں گے،وکٹیں اڑیں گی، پی ایس ایل تھری کا آج دبئی انٹرنیشنل اسٹیڈیم میں آغاز


دبئی(24نیوز) چوکےچھکےلگیں گے،وکٹیں اڑیں گی، دلوں کی دھڑکنیں تیزہوں گی، توکبھی رکیں گی، پی ایس ایل تھری کا آج دبئی انٹرنیشنل اسٹیڈیم میں آغازہوگا،لیگ کی افتتاحی تقریب میں ملک کے نمایاں فنکاراپنی جلوے بکھیریں گے۔

تفصیلات کے مطابق انتظار کی گھڑیاں ختم ہونے کو ہیں۔دبئی انٹر نیشنل اسٹیڈیم میں رنگا رنگ افتتاحی تقریب سے پی ایس ایل تھری کا آغاز ہو گا۔  رنگا رنگ افتتاحی تقریب میں معروف گلوکارہ عابدہ پروین اپنے فن کا مظاہرہ کریں گی۔ علی ظفر اور شہزاد رائے بھی کرکٹ متوالوں کا جوش و جذبہ بڑھائیں گے۔ بلال اشرف اور حریم فاروق بھی شائقین کرکٹ کا لہو گرمائیں گے۔

واضح رہے کہ پی ایس ایل کی افتتاحی تقریب اور لیگ کے تمام میچز دنیا کے دیگر ممالک کے ساتھ بھارت میں بھی دیکھے جاسکیں گے۔  پہلا موقع ہو گا جب پی ایس ایل تھری کے میچز لائیو اسٹریمنگ کے ذریعے بھارت میں دیکھے جائیں گے۔