زائدالمعیاد شناختی کارڈ والے افراد بھی ووٹ ڈال سکیں گے

 زائدالمعیاد شناختی کارڈ والے افراد بھی ووٹ ڈال سکیں گے


لاہور ( 24نیوز )  عام انتخابات 2018 میں ووٹرز کیلئے بڑی خوشخبری، الیکشن کمیشن نے زائدالمعیاد شناختی کارڈ پر بھی ووٹ ڈالنے کی اجازت دیدی مگر کوئی  شخص فوٹو کاپی پر ووٹ کاسٹ نہیں کرسکے گا۔

 تفصیلات کے مطابق الیکشن کمیشن نے زائد المعیاد قومی شناختی کارڈ کے حامل افراد کے لیے سہولت دیتے ہوئے فیصلہ کیا ہے کہ عام انتخابات کے دوران اگر کسی ووٹر کا زائد المیعاد شناختی کارڈ ہوا اور وہ کسی وجہ سےاپنا شناختی کارڈ دوبارہ نہیں بنوا سکا تو اسے اپنے اصل شناختی کارڈ پر ووٹ ڈالنےکی اجازت ہوگی۔

یہ بھی  پڑھیں:این اے 60 راولپنڈی میں انتخابات ملتوی 

ضرور پڑھیں:کھراسچ، 18 جون 2019

دوسری جانب نادرا نے آج شناختی کارڈ کی ترسیل کیلئے ڈسٹری بیوشن کا ﺅنٹرز کھلے رکھنے کا اعلان کردیا۔نادرا تمام درخواست گزاروں سے پرانے شناختی کارڈ ضبط نہیں کر رہا ہے، 16 جولائی کو نارمل پراسس ہونے والے شناختی کارڈ 25 جولائی کو 2 بجے تک دیئے جائیں گے، جبکہ 20 جولائی کو ایگزیکٹو کیٹیگری میں پراسس ہونے والے شناختی کارڈ 25 جولائی 2 بجے تک ملیں گے۔

پڑھنا نہ بھولیں:الیکشن کمیشن نے ووٹنگ کا طریقہ کار وضع کر دیا 

واضح رہے کہ سنگل شفٹ والے نادرا سنٹرز کارڈز کی ترسیل کے لیے آج شام 6 بجے تک کھلے رہیں گے۔ 25 جولائی کو بھی 2 بجے تک تمام نادرا دفاتر کھلے رہیں گے۔

شازیہ بشیر

Content Writer