آرمی چیف کا فارمیشن ہیڈکوارٹرز گلگت کا دورہ

آرمی چیف کا فارمیشن ہیڈکوارٹرز گلگت کا دورہ


گلگت(24 نیوز)چیف آف آرمی سٹاف جنرل قمر جاوید باجوہ نے کہا ہے کہ پاک فوج کسی بھی قسم کے مس ایڈونچر کو ناکام بنانے کے لیے پوری طرح تیار ہے ،مقبوضہ کشمیر کی صورتحال پر مکمل نظر ہے۔

 آئی ایس پی آر کے مطابق آرمی چیف جنرل قمر جاوید باجوہ نے فارمیشن ہیڈ کوارٹر گلگت کا دورہ کیا جہاں انہوں نے یاد گار شہدا پر پھول چڑھائے اور پھر پاک فوج کے جوانوں سے خطاب کیا۔ جنرل قمر جاوید باجوہ نے کہا کہ ہم مشرقی سرحد پر موجود خطرے سے آگاہ ہیں ،مشرقی سرحد پر خطرے کا تعلق مقبوضہ کشمیر کی صورتحال سے ہے،ہمار مقبوضہ کشمیر کی صورتحال پر مکمل نظر ہے ۔ان کا کہنا تھا کہ پاک فوج کسی بھی جارحیت کا منہ توڑ جواب دینے کے لیے تیار ہے ۔اس موقع پر آرمی چیف نے موسمی چیلنجز اور زمینی صورتحال کے باوجود جوانوں اور افسروں کی تیاری کو سراہا اور دنیا کے بلند ترین میدان جنگ میں جوانوں کے جذبے کو بھی سراہا۔

Malik Sultan Awan

Content Writer