انگلش کاؤنٹی میں بابراعظم نے تاریخ رقم کردی

انگلش کاؤنٹی میں بابراعظم نے تاریخ رقم کردی


( 24نیوز ) انگلش کاؤنٹی کے ٹی ٹوئنٹی ایونٹ میں بابراعظم نے 500رنزمکمل کرلیے وہ یہ کارنامہ انجام دینے والے پہلے پاکستانی کھلاڑی بن گئے ہیں۔

تفصیلات کےمطابق بابراعظم نے انگلش سرزمین پر اپنے جھنڈے گاڑ دیے, بابراعظم نے انگلش کاؤنٹی کے ٹی ٹوئنٹی ایونٹ میں ایک اورشانداراننگزکھیل ڈالی، بابراعظم نے سمرسیٹ کی طرف سے گلے مورگن کے خلاف 42گیندوں پر63رنزبنائے جس میں ایک چھکا اورسات چوکے شامل تھے۔

اس کے ساتھ بابراعظم انگلش کاؤنٹی کے ٹی ٹوئنٹی کے ٹاپ سکورربرقرارہیں،انہوں نے 11اننگزمیں 60کی اوسط اور152 کے اسٹرائیک ریٹ کیساتھ 541رنز بنالیے ہیں۔

بابراعظم نے ایونٹ میں اب تک ایک سنچری اور4نصف سنچریاں بنائی ہیں جبکہ مجموعی طورپر14چھکے اور57چوکے بھی لگائے ہیں، بابراعظم انگلش کاؤنٹی کے ٹی ٹوئنٹی ایونٹ میں 500رنزبنانے والے پہلے پاکستانی کھلاڑی ہیں۔