الیکشن 2018، کیلئے پولنگ کا وقت ختم

الیکشن 2018، کیلئے پولنگ کا وقت ختم


لاہور( 24نیوز )ملک بھر میں عام انتخابات کیلئےپولنگ کا وقت ختم ہوگیا.پورے ملک میں بیک وقت پولنگ کا آغاز ٹھیک آٹھ بجے صبح ہوا جو شام چھ بجے تک جاری رہے گا اور سات بجے غیر حتمی نتائج آنا شروع ہوجائینگے,پیپلز پارٹی ،شیخ رشید نے بھی پولنگ کا وقت بڑھانے کا مطالبہ کردیا،پیپلز پارٹی کے رہنما فرحت اللہ بابر کا کہنا ہے کہ ووٹنگ کا عمل بہت سست چل رہا ہے وقت بڑھایا جائے،پی ٹی آئی،اے این پی اور دیگر جماعتوں نے بھی وقت میں اضافے کا مطالبہ کردیا۔

آج قومی اسمبلی کے 272 میں سے 270 حلقوں جب کہ صوبائی اسمبلیوں کے 577 میں سے 570 حلقوں میں الیکشن ہو رہا ہے،جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے،قومی اور صوبائی اسمبلیوں کے 8 حلقوں پر انتخابات ملتوی کیے گئے ہیں، جہاں الیکشن اب بعد میں ہوں گے۔


جن حلقوں میں آج انتخابات نہیں ہو رہے، ان میں قومی اسمبلی کے دو حلقے این اے 60 راولپنڈی اور این اے 103 فیصل آباد جبکہ صوبائی اسمبلیوں کے حلقے پی کے 78 پشاور، پی کے 99 ڈیرہ اسماعیل خان، پی پی 87 میانوالی، پی پی 103 فیصل اباد، پی ایس 87 ملیر اور پی بی 35 مستونگ شامل ہیں۔
اس کے علاوہ سندھ اسمبلی کے حلقے پی ایس 6 کشمور سے میر شبیر بجارانی الیکشن سے قبل ہی بلامقابلہ منتخب ہوچکے ہیں۔نادرا نے ساڑھے 6 لاکھ شناختی کارڈز جاری کردیے-

                                                                                                                                                                                  پاک فوج تیرا شکریہ
ووٹ ڈالنے کیلئے آنیوالے ووٹرز نے پاک فوج کے جوانوں کے دل جیت لئے، پولنگ سٹیشنز پر ڈیوٹی دینے والوں جوانوں پر پھولوں کی پتیاں نچھاور کی گئیں،بزرگ خواتین نے جوانوں کے ماتھوں پر بوسے دئیے،پاک فوج ،پولیس زندہ باد کے نعرے  سنائی دیتے رہے۔

                                                                                                                       آرمی چیف نے اہل خانہ کے ساتھ ووٹ کاسٹ کیا
آرمی چیف جنرل قمر جاوید باجوہ نے اہل خانہ کے ساتھ راولپنڈی میں ووٹ کاسٹ کیا،اس موقع پر انہوں نے گفتگو کرتے ہوئے کہا ہے کہ عوام گھروں سے باہرنکلیں اور ووٹ ڈالیں۔آئی ایس پی آر کے مطابق انہوں نے مزید کہا ہے کہ ہم دشمن قوتوں کو شکست دینے کیلئے مضبوط اور متحد کھڑے ہیں۔

                                                                                                                                                               کس نے کہاں ووٹ کاسٹ کیا؟
ن لیگ کے صد شہباز شریف نے جونیئر ماڈل سکول اے بلاک ماڈل ٹاون لاہور ، سردار ایاز صادق نے سردار ہائی اسکول گڑھی شاہو لاہور، پی ٹی آئی رہنما اسد عمر نے این اے 54 اسلام آباد میں اپنا ووٹ کاسٹ کیا-

جمعیت علمائے اسلام (ف) کے سربراہ مولانا فضل الرحمٰن نے ڈیرہ اسما عیل خان ، پاکستان پیپلز پارٹی کے چیئرمین بلاول بھٹو زرداری کی بہنوں بختاور بھٹو زرداری اور آصفہ بھٹو زرداری نے نوابشاہ ، سید خورشید شاہ نے این اے 207 سکھر میں اسلامیہ کالج کے پولنگ اسٹیشن نمبر 29 میں ووٹ کاسٹ کیا۔

ضرور پڑھیں:غداری سے بچ گئے

سراج الحق نے دیر،عمران خان،شاہد خاقان عباسی،اسد عمر نے اسلام آباد،فریال تالپور نے نواب شاہ ،فاروق ستار،مصطفٰی کمال نے کراچی میں ووٹ کاسٹ کیا۔


سابق قومی کرکٹر وسیم اکرم ووٹ ڈالنے برطانیہ سے لاہور آئے اور انہوں نے اپنے حلقے میں اپنے پسندیدہ امیدوار کو ووٹ کاسٹ کیا ہے،جاوید ہاشمی نے ملتان میں ووٹ کاسٹ کیا ہے۔پاک فوج کے سابق سربراہ جنرل (ر)راحیل شریف نے بھی اپنا ووٹ کاسٹ کیا،انہوں نے اپنا ووٹ لاہور کینٹ کے علاقے میں ڈالا-


                                                                                                                                                                                95 جماعتیں الیکشن میں مد مقابل
بابر یعقوب کے مطابق الیکشن کمیشن میں کل 120 جماعتیں فہرست میں شامل ہیں جن میں سے 95 جماعتیں الیکشن میں حصہ لے رہی ہیں جبکہ 95 میں سے 88 جماعتوں نے خواتین کے لیے پانچ فیصد نشستوں کی شرط پوری کی ہے۔

سیکریٹری الیکشن کمیشن نے بتایا کہ عام انتخابات کے لیے ملک بھر میں 2 لاکھ 44 ہزار 687 پولنگ اسٹیشن قائم کیے گئے ہیں جن میں سے 17 ہزار کو حساس قرار دیا گیا ہے جہاں کیمرے نصب کردیئے گئے ہیں۔

                                                                                                               سب سے زیادہ پیاری چیز یہ ہے کہ یہاں جمہوریت ہے:بختاور 

دوسری جانب سیاسی رہنما سوشل میڈیا پر  اپنی رائے کا اظہار کر رہے ہیں،بختاور بھٹو زرداری نے اپنی تازہ ترین ٹوئٹ میں کہا ہے کہ پاکستان میں سب سے زیادہ پیاری چیز یہ ہے کہ یہاں جمہوریت ہے اور اسکے لیے انہوں نے شہید بے نظیر بھٹو اور سابق صدر آصف علی زرداری کا شکریہ ادا کیا ہے جنہوں نے پاکستان کی تاریخ میں آمریت سے جمہوریت کے سفر کو ممکن بنایا ۔انہوں نے مزید لکھا ہے کہ بدترین جمہوریت بہترین ڈکٹیٹر شپ سے ہر صورت اچھی ہے اور آخر میں جیئے بھٹو کا نعرہ لگایا ہے ۔

اگر بات کی جائے جعلی ووٹ کاسٹ کی تو، کراچی کے این اے 243 میں پہلا جعلی ووٹ کاسٹ ہوا۔گلشن اقبال کا رہائشی اظہر نامی شخص کا ووٹ پہلے ہی کاسٹ ہو چکا تھا ، ووٹر کے احتجاج کرنے پر دوبارہ ووٹ کاسٹ کروایا گیا ۔

     ن لیگی رہنما عابد شیر علی خواتین کے پولنگ سٹیشن میں گھس گئے
فیصل آباد میں عابد شیر علی خواتین کے پولنگ سٹیشن میں گھس گئے اور انہوں نے پولنگ رکوا دی،سابق وزیر مملکت نے خاتون پریزائڈنگ آفیسر کے ساتھ جھگڑا بھی کیا،الیکشن کمیشن نے این اے108کے سکیورٹی حکام سے رپورٹ طلب کرلی ہے۔
اسی طرح صوابی سے بھی ایک جھگڑے کی رپورٹ ملی ہے، جہاں نامعلوم افراد نے فائرنگ کی،اسلام آباد میں فائرنگ کی اطلاع پر الیکشن کمیشن نے نوٹس لے لیا ہے۔

                                                                                                                لڑائی جھگڑے،خودکش بم دھماکے میں 34افراد شہید
لاڑکانہ میں حلقہ پی ایس 11میں کریکر حملہ ہوا ہے جس کے باعث چار پولنگ سٹیشن بند کردئیے گئے ہیں،کھپرو میں پیپلز پارٹی اور جی ڈی اے کے کارکنوں کے درمیان جھگڑا ہوا جس کے دوران15افراد زخمی ہو گئے ہیں، کوئٹہ میں بھی دھماکہ کی اطلاع ہے،دھماکہ مشرقی بائی پاس پر ہوا،دھماکے میں31افراد شہید،متعدد زخمی ہوگئے ہیں۔,دھماکہ بھوسہ منڈی پولنگ سٹیشن کے قریب ہوا ہے،ذرائع کا کہنا ہے کہ حملہ خودکش تھا ،سکیورٹی فورسز کے جوانوں کو نشانہ بنایا گیا،شہدا میں تین پولیس اہلکار ،دو بچے بھی شامل ہیں-ڈی جی سی ٹی ڈی کا کہنا ہے کہ 31افراد شہید ہوئے ہیں,ظفر گورائیہ کا کہنا ہے کہ متعدد افراد زخمی ہیں جن کو ہسپتال منتقل کردیا گیا ہے-جہانیاں میں ن لیگ اور پی ٹی آئی کے کارکنوں کے دوران جھگڑے میں فائرنگ سے ن لیگی کارکن جاں بحق ہوگیا-

                                                                                                                                     بلاول بھٹو زرداریکی  کوئٹہ بم دھماکے  کی مذمت

بلاول بھٹو زرداری نے نوڈیرو پولنگ سٹیشن پر ووٹ کاسٹ کیا اور انہوں اس موقع پر میڈیا سے گفتگو کرتے ہوئے کوئٹہ بم دھماکے کی مذمت کی ہے ،انہوں نے کہا ہے کہ عوام ان حملوں سے خوفزدہ نہیں ہونگے،حملوں سے نہیں ڈرتے،سب لوگ ووٹ کاسٹ کریں،ملک میں دوہرا معیار چل رہا ہے ،لاڑکانہ میں میڈیا کو ولنگ سٹیشنوں کی کوریج سے روکا جارہا ہے،آج ووٹر اتنے ووٹ ڈالیں گے کہ سب ہتھکنڈے ناکام ہوجائینگے۔

ادھر برطانوی ہائی کمشنر نے کوئٹہ بم دھماکے کی شدید مذمت کی ہے ان کا کہنا ہے کہ کسی کو بھی جمہوری عمل کمزور نہیں بنانا چاہئے،انہوں نے شہدا ءکے اہلخانہ سے اظہار ہمدردی کیا۔

ویڈیو دیکھیں:

                                                                                                                                                 خواتین کو ووٹ کاسٹ کرنے سے روک دیا گیا

این اے 29پی کے میں خواتین کو ووٹ کاسٹ کرنے سے روک دیا گیا، پولنگ افسر کے مطابق حاجی بانڈی میں تاحال کسی خاتون کا ووٹ کاسٹ نہیں ہوا ہے۔چمن میں جھگڑا کے بعد دو پولنگ سٹیشنز پر ووٹنگ روک دی گئی،پسرور میں ن لیگ اور پی ٹی آئی کے کارکنوں میں جھگڑا ہوا ہے,صوابی میں فائرنگ سے پی ٹی آئی کارکن جاں بحق ہوگیا ہے،صوابی میں ابھی تک ایک بھی خاتون نے ووٹ کاسٹ نہیں کیا,شمالی وزیر ستان میں مردوں کی موجودگی میں خواتین نے ووٹ ڈالنے سے انکار کردیا-

یہ بھی پڑھیں:  انتخابات 2018: الیکشن ڈیوٹی کے لیے فوجی تعینات

کراچی میں ووٹ کاسٹ کرکے نکلنے والے نوجوان کو قتل کردیا گیا ،متحدہ مجلس عمل کے کارکنوں نے اسلام آباد میں الیکشن عملے کیخلاف احتجاج کیا ہے۔لاہور کے علاقے میں پی ٹی آئی اور ن لیگ کے کارکنوں میں جھگڑے کے بعد پولنگ روک دی گئی،پنڈی گھیب میں ایک شخص جعلی ووٹ ڈالتے ہوئے پکڑا گیا،الیکشن کمیشن نے تمام واقعات کا نوٹس لے لیا ہے ،ادھر نگران وزیر داخلہ سید علی ظفر نے کہا ہے کہ ملک میں امن و امان کی مجموعی صورتحال بہتر ہے۔

ویڈیو دیکھیں

                                                                                                                        بچے نے شیر کوووٹ نہ دینے پر کھانا چھوڑ دیا
میلسی کے بچے نے شیر کوووٹ نہ دینے پر کھانا چھوڑ دیا،بچے کا کہنا ہے تب تک کھانا نہیں کھاﺅں گا جب تک شیر کو ووٹ دینے کا ثبوت نہیں مل جاتا۔

                                                                                                       مسلم لیگ کی پولنگ کا وقت بڑھانے کی درخواست مسترد
مسلم لیگ ن نے پولنگ کا وقت بڑھانے درخواست کردی جسے الیکشن کمیشن نے مسترد کردیا ہے،ترجمان الیکشن کمیشن کا کہنا ہے پولنگ وقت بڑھانے کا فیصلہ تین گھنٹے پہلے کیا جاتا ہے لیکن اب وقت زیادہ ہوچکا ، پولنگ چھ بجے تک جاری رہے گی،سیکرٹری بابر یعقوب کا کہنا ہے کہ تمام شہری ووٹ کاسٹ کرنے کیلئے نکلیں اور اپنی اہم ذمہ داری نبھائیں،این اے 188لیہ میں پولنگ افسر دل کا دورہ پڑنے سے انتقال کرگیا،طاہر رضا کی وفات کے باعث ایک گھنٹہ پولنگ روکی گئی۔تھوڑی دیر بعد ن لیگ کے رہنما مریم اورنگزیب،مشاہد حسین سیدہنگامی پریس کانفرنس کرینگے جس میں اہم اعلان متوقع ہے