مسلم لیگ ن، ایم ایم اے نے انتخابات کے نتائج مسترد کردیئے

مسلم لیگ ن، ایم ایم اے نے انتخابات کے نتائج مسترد کردیئے


لاہور(24نیوز) مسلم لیگ (ن) کے صدر شہباز شریف اور ایم ایم اے کے مرکزی صدر مولانا فضل الرحمان نے نے انتخابات 2018ء کے نتائج مسترد کر دئیے۔شہباز شریف نے کہا کہ بند کمروں میں کارروائی کی گئی۔ پری پول رگنگ کا پہلے ہی بتا دیا تھا۔

سابق وزیراعلیٰ پنجاب شہباز شریف نے ماڈل ٹاؤن میں پریس کانفرنس کرتے ہوئے کہا کہ آج جو کچھ ہوا، پاکستان تیس سال پیچھے چلا گیا ہے۔ ملک بھر سے شکایات موصول ہوئیں کہ فارم 45 نہیں دیے جا رہے، جبکہ پولنگ ایجنٹس کو بھی پولنگ اسٹیشنز سے باہر نکال دیا گیا، انہوں نے حالیہ انتخابات میں دھاندلی کا الزام لگاتے ہوئے نتائج کو مسترد کردیا۔

 یہ بھی پڑھیں: عمران خان کے وزیراعظم بننے کی راہ ہموار ہونے لگی

صدر مسلم لیگ ن نے مزید کہا کہ انہوں نے پاکستان کا مفاد سامنے رکھتے ہوئے تحمل سے کام لیا۔ پولنگ کے بعد کی صورت حال انہوں نے اپنے سیاسی کریئر میں کبھی نہیں دیکھی، ووٹرز کی توہین ناقابل برداشت ہے۔ لاہور سے ان کے ایاز صادق اور پرویز ملک کا رزلٹ روک لیا گیا۔

 انہوں نے مزید کہا کہ الیکشن کمیشن سے پولنگ کا وقت بڑھانے کی درخواست کی وہ بھی قبول نہ ہوئی۔ جلد دوسری جماعتوں کے ساتھ ملکراگلا لائحہ عمل تیار کریں گے، دھاندلی زدہ نتائج سے ملک کو نقصان ہوگا۔ 

دوسری جانب ایم ایم اے کے مرکزی صدر مولانا فضل الرحمان نے انتخابات کے نتائج مسترد کردئیے۔ مولانا فضل الرحمان نے آل پاٹیز کانفرنس طلب کرنے کا فیصلہ کرلیا۔ مولانا فضل الرحمان کا کہنا ہے دو دن بعد آل پارٹیز کانفرنس بلائیں گے۔ 


    

وقار نیازی

سٹاف ممبر، یونیورسٹی آف لاہور سے جرنلزم میں گریجوایٹ، صحافی اور لکھاری ہیں۔۔۔۔