پولیس کے بھیس میں چور وں کو عدالت میں پیش کر دیا گیا


 کراچی(24نیوز) پولیس وردی پہن کر ڈکیتی کی کوشش کرنے والوں کوعدالت میں پیش کردیاگیا۔ملزمان سے پولیس کی مزیدوردیاں بھی ملیں۔مقدمہ تھانہ سولجربازارمیں درج کرلیاگیا۔

تفصیلات کے مطابق پولیس کی وردی پہن کر ڈکیتی کرنے کا معاملہ۔پولیس نے گرفتار ملزمان جاوید اور آصف کو جوڈیشل مجسٹریٹ شرقی کی عدالت میں پیش کردیا۔تفتیشی افسر نے موقف اپنایا کہ ملزمان نے پولیس کی وردی پہن کر ڈکیتی کی کوشش کی۔ ملزمان سے پولیس کی مزید وردیاں بھی برآمد ہوئی ہیں۔

یہ بھی ضرور پڑھیں:راولپنڈی: ڈکیتی میں نوجوان قتل، لواحقین کا جنازہ سڑک پر رکھ کر احتجاج 

 تفتیشی افسر نے استدعا کی کہ ملزمان سے تفتیش کرنی ہے لہذا 14 روزہ جسمانی ریمانڈ دیا جائے۔تاہم عدالت نے دونوں ملزمان کو 4 روزہ جسمانی ریمانڈ پر پولیس کے حوالے کردیا۔ملزمان کے خلاف تھانہ سولجر بازار میں مقدمہ درج کر لیا گیا۔