عیدالفطر قریب آتے ہی بلوچی چپل کی مانگ میں اضافہ

عیدالفطر قریب آتے ہی بلوچی چپل کی مانگ میں اضافہ


 جعفرآباد(24 نیوز) عیدالفطر قریب آتے ہی بلوچستان میں ثقافتی بلوچی چپل کی مانگ میں بھی اضافہ ہوتا جارہا ہے، بلوچستان کے کاریگر بلوچی چپل بنانے میں مصروف دکھائی دیتے ہیں۔

بلوچستان کی ثقافتی بلوچی چپل کی مخصوص بناوٹ کے باعث دیگر چپلوں کے مقابلے میں زیادہ پسند کی جاتی ہے اور عید جیسے تہواروں پر بلوچستان سمیت ملک بھر میں یہ چپل پہنی جاتی ہے، بلوچی چپلوں کے کاریگروں کا کہنا ہے کہ بلوچی چپل کو مختلف ڈیزائینوں میں تیار کی جاتی ہے اور لوگ اسے شوق سے خریدتے ہیں۔

عید کے موقع پر بلوچی چپل کی مانگ میں اضافہ ہوتا جارہا ہے،بلوچستان کے کاریگر اس ثقافتی بلوچی چپل تیار کرتے دکھائی دے رہے ہیں،خریداروں کا کہنا ہے کہ یہ بلوچی چپل ہمارے بلوچی ثقافت کی عکاسی کرتا ہے اور اس لیے ہم عید جیسے تہواروں میں بلوچی چپل خریدتے ہیں۔ بلوچی چپل کی بناوٹ میں کئی قسم کی اعلیٰ کوالٹی کا چمڑا استعمال کیا جاتا ہے جس کے باعث اس چپل کی قیمت دیگر چپلوں کی نسبت زیادہ ہوتی ہے۔

Malik Sultan Awan

Content Writer