مقبوضہ کشمیرکی 8 سالہ بچی سے زیادتی و قتل پر بالی وڈ اداکارہ ملیکہ شراوت بھی بول پڑیں


ویب ڈیسک: بالی ووڈ کی نامور اداکارہ ملیکہ شراوت بھارت میں بڑھتی ہوئے جرائم خصوصاً بچیوں،بچوں کے زیادتی کے واقعات پر بول پڑیں،انہوں نے کہہ دیا ہے کہ بہت ہوگیا ،اب ایسا نہیں ہونا چاہیے۔
ان کا کہنا ہے کہ گاندھی کے ملک کو ہم نے عزت کے لٹیروں کی سرزمین بنادیا ہے،خود کو سیکولر ملک کہنے والا بھارت ہمیشہ ہی اپنی عوام کو بنیادی حقوق اور انصاف دینے میں ناکام رہا ہے یہی وجہ ہے کہ بھارتی معاشرے میں بڑھتی ہوئی عریانیت کی وجہ سے خواتین کے ساتھ جنسی ہراسانی کے واقعات میں دن بدن اضافہ دیکھنے میں آرہا ہے جب کہ مقبوضہ کشمیرکی 8 سالہ آصفہ بانو کا اجتمائی زیادتی کے بعد قتل اور بی جے پی رہنما کی جانب سے ہندو لڑکی سے اجتماعی زیادتی جیسے واقعات نے پوری انسانیت کا سرشرم سے جھکا دیا۔
بھارتی میڈیا رپورٹس کے مطابق بالی ووڈ اداکارہ ملیکہ شراوت نے بھارت میں پیش آنے والے انسانیت سوز واقعات پر افسوس کا اظہار کرتے ہوئے کہا کہ بھارت میں بچوں اور عورتوں کے ساتھ جو کچھ بھی ہورہا ہے وہ ایک شرم ناک عمل ہے اور اس درندگی کی وجہ سے گاندھی کی سرزمین عزت کے لٹیروں کی سرزمین بن چکی ہے۔
ملیکہ شراوت کا کہنا تھا کہ میرے خیال میں اس وقت ملک میں میڈیا بہت طاقتور ہے اور جنسی حراسانی کے بڑھتے واقعات کو روکنے میں میڈیا ہی اہم کردار ادا کر سکتا ہے اور ہماری تمام توقعات بھی میڈیا سے ہی وابستہ ہیں۔

یاد رہے مقبوضہ کشمیر زیادتی کے قتل کے اس واقعہ کی سابق پاکستانی کرکٹ کپتان شاہد آفریدی،بھارتی اداکار فرحان اختر،کرینہ کپور،ہیما مالنی ،پرنیتی چوپڑا،انوشکا شرما،سونم کپور،سنجے دت اکشے کمار،پریانکا چوپڑا نے بھی مذمت کی تھی ۔

اظہر تھراج

صحافی اور کالم نگار ہیں،مختلف اخبارات ،ٹی وی چینلز میں کام کا وسیع تجربہ رکھتے ہیں