وزیر اعلیٰ خیبر پی کے نے اپنے 15کھلاڑی میدان میں اتار دئیے

10:38 AM, 27 Aug, 2018

اظہر تھراج

پشاور( 24نیوز ) وزیر اعلیٰ خیبر پی کے نے اپنے 15کھلاڑی میدان میں اتار دئیے،صوبائی کابینہ میں تین مشیر بھی شامل ہیں۔
تفصیلات کے مطابق خیبرپختونخوا کے وزیراعلیٰ محمود خان کی 15 رکنی کابینہ کے نام سامنے آگئے،صوبے کی حکمرانی کی دوڑ میں شامل محمد عاطف خان کو سینئر وزیر اور سیاحت کا قلمدان دیا گیا ہے، عمران خان سے مشاورت کے بعد منظر عام پر آنے والی صوبائی کابینہ میں شہرام ترکئی بلدیات ،تیمور سلیم جھگڑا وزیر خزانہ ہوں گے۔
صوبائی کابینہ میں سید اشتیاق کو محکمہ جنگلات، حاجی قلندر لودھی کوخوراک ،شکیل احمد خان کو ریونیو،محب اللہ کو محکمہ زراعت اور ڈاکٹر امجد علی منرل ڈیولپمنٹ کے قلمدان سپرد کئے گئے ہیں۔


محمود خان کی کابینہ میں سلطان محمد خان کو قانون ،ہشام انعام اللہ خان کو صحت اورکامران خان بنگش کو انفارمیشن ٹیکنالوجی کا وزیر بنایا گیا ہے۔جبکہ اختر ایوب خان کے محکمے کا اعلان بعد میں کیا جائے گا،وزیراعلیٰ کے مشیروں میں ضیا اللہ خان بنگش،عبدالکریم اور شاہ محمد خان کورکھا گیا ہے۔

مزیدخبریں