مارشل آرٹ کے بے تاج بادشاہ بروس لی کی 79 ویں سالگرہ

مارشل آرٹ کے بے تاج بادشاہ بروس لی کی 79 ویں سالگرہ


(24 نیوز) مارشل آرٹ کی دنیا کے بے تاج بادشاہ بروس لی کے مداح آج ان کی 79ویں سالگرہ منا رہے ہیں۔

مارشل آرٹ کی دنیا کے بے تاج بادشاہ بروس لی کے مداح آج ان کی 79ویں سالگرہ منا رہے ہیں۔27نومبر 1940کو امریکی شہر سان فرانسسکو میں پیدا ہونے والے بروس لی کا اصلی نام لی جن فین تھا تاہم فلمی دنیا میں وہ بروس لی کے نام سے جانے گئے۔

انہوں نے ہالی ووڈ کی متعدد فلموں میں اپنی اداکاری کے جوہر دکھائے۔بروس لی نے فلمی دنیا میں ہانگ کانگ کا مارشل آرٹ متعارف کروایا، انہوں نے ہدایت کاری، اداکاری اور مارشل آرٹ میں اپنی صلاحیتوں کا لوہا دنیا بھر سے منوایا اور آج بھی بروس لی کو مارشل آرٹ کا شہنشاہ مانا جاتا ہے۔

بروس لی کا انتقال بتیس سال کی عمر میں 20 جولائی 1973 کو ہوا، آج بھی مداح ان کی کچھ بہترین فلموں کو یاد کرتے ہیں جس میں ’انٹر دی ڈریگن‘، فسٹ آف فیوری سمیت دیگر فلمیں شامل ہیں۔

Malik Sultan Awan

Content Writer