اپنی سرزمین دہشت گردی کے لیے استعمال نہیں ہونے دیں گے:وزیراعظم


سوچی(24نیوز): وزیراعظم کا شنگھائی تعاون تنظیم کے سربراہ اجلاس سے خطاب، وزیراعظم نے کہا کہ سی پیک کی تکمیل شنگھائی تعاون تنظیم کے کردار کی عکاس ہے، اپنی سرزمین دہشت گردی کے لیے استعمال نہیں ہونے دیں گے جب کہ پاکستان افغانستان میں امن اور استحکام کا خواہاں ہے۔

روس کے شہر سوچی میں جاری شنگھائی تعاون تنظیم کے سربراہ اجلاس سے خطاب کرتے ہوئے وزیراعظم شاہد خاقان عباسی کا کہنا تھا کہ سوچی میں شنگھائی تعاون تنظیم کے اجلاس کا خیر مقدم کرتے ہیں، شنگھائی تعاون تنظیم کا رکن ہونے پر فخر ہے اور امید ہے تنظیم خطے میں ترقی کے لیے کردار ادا کرتی رہے گی، اس کے علاوہ تنظیم تجارت، توانائی اور معاشی تعاون کے فروغ کے لیے اہم کردار ادا کرسکتی ہے۔ وزیراعظم شاہد خاقان عباسی کا کہنا ہے کہ اپنی سرزمین دہشت گردی کے لیے استعمال نہیں ہونے دیں گے۔