مشاہد حسین سید نے ق لیگ چھوڑ دی،مسلم لیگ ن میں شامل ہونے کا امکان


لاہور(24نیوز) مشاہد حسین سید نے مسلم لیگ ( ق )چھوڑ دی اور اپنا استعفیٰ پارٹی قیادت کو بھجوادیا، مسلم لیگ ن میں شامل ہونے کا امکان ہے۔
میڈیا رپورٹس کے مطابق ق لیگ کے سینیٹر مشاہد حسین سید نے مسلم لیگ ق کو الوداع کہہ دیا اور اپنا استعفیٰ چودھری شجاعت حسین کو بھجوا دیا ہے جس میں سینٹر ق لیگ نے پارٹی قیادت کی محبت اور شفقت کا شکریہ ادا کیا ہے۔
تفصیلات کے مطابق مشاہد حسین سید کافی عرصے سے پارٹی سے دور تھے،استعفیٰ میں انہوں نے آئندہ ق لیگ کیلئے کام کرنے سے معذرت کر لی ہے،ان کا کہناتھا کہ چودھری شجاعت حسین کی قیادت میں کام کرکے بہت اچھا لگا۔
یاد رہے مشاہد حسین سید نے سابق وزیر اعظم نواز شریف سے ملاقات کی ہے، ذرائع کے مطابق ان کے مسلم لیگ ن میں شامل ہونے کا امکان ہے،یہ اس سے قبل بھی ن لیگ کا حصہ رہے ہیں مشرف دور میں جب ق لیگ بنی تو اس میں شامل ہوگئے تھے۔
واضح رہے سینیٹر مشاہد حسین سید اس وقت سی پیک کے حوالے سے سینٹ کمیٹی کے چیئرمین ہیں۔