پنجاب  کے سرکاری ملازمین  کیلئے بری خبر، عید الفطر پر ایڈوانس تنخواہ نہیں ملے گی

پنجاب  کے سرکاری ملازمین  کیلئے بری خبر، عید الفطر پر ایڈوانس تنخواہ نہیں ملے گی


24 نیوز : پنجاب میں سرکاری افسران و ملازمین کو عید الفطر پر ایڈوانس نہیں مل سکے گی، محکمہ خزانہ پنجاب کے حکام کا کہنا ہے کہ معمالہ نگران وزیر اعلیٰ کے سامنے پیش کیا جائے گا، منظوری ہوئی تو افسران و ملازمین کو عید الفطر کی تنخواہ ایڈوانس جاری کی جائے گی۔

  24 نیوز ذرائع کے مطابق عید الفطر پرسرکاری افسران و ملازمین کے لیے ایڈوانس تنخواہ کا معمالہ پیچدہ ہوگیا ہے۔ اس سال عید الفطر کی چھٹیوں کا اعلان چودہ جون سے اٹھارہ جون تک کیا جارہا ہے۔ جس کے باعث ایڈوانس تنخواہ ملنا مشکل ہے۔

یہ خبر بھی پڑھیں: عیدالفطر کب ہوگی؟ محکمہ موسمیات نے بتا دیا

محکمہ خزانہ کے حکام کا کہنا ہے قانون کے مطابق عید بیس تاریخ کے بعد ہو تو تنخواہ ایڈوانس جاری ہو سکے گی لیکن اس سال عید بیس تاریخ سے پہلے ہے جس کے باعث سرکاری ملازمین کو تنخواہ قبل از وقت دینا مشکل ہے۔

پڑھنا مت بھولئے: ’’تحریک انصاف میں خواتین کو عہدوں کیلئے کیا قیمت چکانا پڑتی ہے‘‘

دوسری جانب حکام کا کہنا ہے کہ پنجاب اب الیکشن دوہزار اٹھارہ کے حوالے نگران حکومت آچکی ہے اور اگر نگران حکومت منظوری دے تو پھر ایڈوانس تنخواہ جاری کی جا سکتی ہے۔ ذرائع کے مطابق پنجاب میں تنخواہوں کی مد میں ماہانہ پچیس ارب روپے کا اجرا کیا جاتا ہے، لیکن مالیاتی خسارے اور نگران سیٹ اپ کے تحت مالی بحران بھی ہے۔