فنڈز کی کمی،محکمہ زراعت نے حکومت پنجاب کو خط ارسال کر دیا

فنڈز کی کمی،محکمہ زراعت نے حکومت پنجاب کو خط ارسال کر دیا


لاہور(24نیوز) محکمہ زراعت کو فنڈز کی کمی کا سامنا، حکومت کو3ارب روپے کے فنڈز اجراء کرنے کے لیے خط لکھ دیا گیا۔ دیگرپراجیکٹس سےفنڈزمنتقل کرنےکی تجویزبھی تیار کرکے ایوان وزیر اعلی کو ارسال کردی گئی۔

تفصیلات کے مطابق پنجاب میں جہاں محکمہ آبپاشی میں کسانوں کے پیکج سے5ارب روپے کے فنڈز اورنج لائن ٹرین کو منتقل کیے گئے وہیں محکمہ زراعت پنجاب کومتعدد منصوبہ جات کے لیے فنڈز کی کمی کا سامنا ہے۔

محکمہ زراعت کی جانب سےحکومت پنجاب کو لکھے گئے خط میں کہا گیا ہے کہ مختلف منصوبہ جات کے سلسلے میں انہیں فنڈز کی ضرورت ہے۔ پنجاب حکومت3ارب روپے کے فنڈز جاری کرے تاکہ پنجاب بھر کے کسانوں کے لیے شروع کیے گئے مختلف منصوبہ جات کو بروقت مکمل کیا جاسکے۔

 فنڈز کی قلت پر محکمہ زراعت نے اپنے مختلف پراجیکٹس سے فنڈز منتقل کرنے کا پرپوزل بھی تیار کرلیا ہے۔ 21 کروڑ روپے سے زائد کی رقم مختلف پراجیکٹ سے منتقل کرنے کی تمام تر دستاویزات بھی ارسال کی جا چکی ہیں۔