نئی دہلی(24نیوز) کروڑوں دلوں کی ملکہ معروف بھارتی اداکارہ پریانکا چوپڑا ،اپنےلاکھوں دیوانوں کی ای میلز ہی نہیں پڑھتیں۔

تفصیلات کے مطابق آپ کے ان باکس میں کتنی ای میلز ہوں گی، جو آپ نے نہیں پڑھی ہوں گی،،پچاس ،سو یا ہزار،لیکن بالی ووڈ حسینہ پریانکاسے کوئی نہیں جیت سکتا، ان کے ان باکس میں اڑھائی لاکھ سے زیادہ ای میلز ہیں ،جو انہوں نے کبھی پڑھی ہی نہیں،یہ انکشاف امریکی اداکار ایلن پاول نے پریانکاکے ای میل باکس کی تصویر شیئر کر کے کیا۔

سابق مس ورلڈ پریانکا چوپڑا کے نام کا ڈنکا بالی ووڈ کےساتھ ہالی ووڈ میں بھی بجتاہے،بھارت کی سب سے زیادہ معاوضہ لینے والی شوخ اداکارہ پچاس فلموں میں اپنی صلاحیتوں کا لوہا منوا چکیں۔