برطانوی شہزادہ ہیری کی منگیتر میگھن مارکل کے تمام سوشل میڈیا اکاﺅنٹس بند


لندن(24نیوز) برطانوی شہزادہ ہیری کی منگیتر اور امریکی اداکارہ میگھن مارکل نے سوشل میڈیا سے اپنے تماماکاﺅنٹس بند کردیئے ہیں۔
تفصیلات کے مطابق اداکارہ میگھن مارکل نے فیس بک، ٹوئٹر اور انسٹاگرام اکاونٹس کو بند کردیا، 'کیونکہ وہ کافی عرصے سے ان کے استعمال میں نہیں تھے۔
میگھن مارکل کی جانب سے سوشل میڈیا   اکاﺅنٹس بند کیے جانے کی تصدیق کرتے ہوئے شاہی محل کا کہنا تھا کہ مارکل ان تمام مداحوں کی شکر گزار ہیں جو انہیں سوشل میڈیا پر کئی برس سے فولو کر رہے تھے، مزید کہا گیا کہ اگر مداح شہزادہ ہیری اور میگھن مارکل کے بارے میں کچھ بھی جاننا چاہیں تو وہ شاہی محل کینسنگٹن پیلس (Kensington palace) کا آفیشل ٹوئٹر اکاونٹ فولو کرسکتے ہیں۔
واضح رہے کہ میگھن مارکل 'دی ٹِگ' (The Tig) کے نام سے ایک لائف اسٹائل ویب سائٹ بھی چلاتی تھیں جسے انہوں نے اپریل 2017 میں بند کردیا تھا۔
اس سے قبل منگل (9 جنوری) کو شہزادہ ہیری اور میگھن مارکل نے برطانیہ کے شہر برکسٹون میں کمیونٹی ریڈیو اسٹیشن کا دورہ کیا۔
شہزادہ ہیری اور میگھن مارکل جب ریڈیو اسٹیشن پہنچے تو 100 سے زائد افراد ان کے استقبال کے انتظار میں پہلے سے موجود تھے


برطانوی شہزادہ ہیری اور امریکی اداکارہ میگھن مارکل نے گذشتہ برس نومبر میں منگنی کا اعلان کیا تھا، ان کی شادی رواں برس 19 مئی کو ہوگی۔