غیر ملکی کھلاڑیوں کی روایتی اور مزیدار کھانوں سےتواضع

غیر ملکی کھلاڑیوں کی روایتی اور مزیدار کھانوں سےتواضع


کراچی(24نیوز) پشاورزلمی کے چیئرمین جاوید آفریدی کی جانب سےٹیم کےاعزازمیں پرتکلف دعوت اہتمام کیا گیا۔غیرملکی کھلاڑیوں کے آگے پشاور کے روایتی کھانوں کادسترخوان بچھادیاگیا۔

پی ایس ایل فائنل سے قبل پشاور زلمی کے چیرمین جاوید آفریدی کی جانب سے ٹیم پلئیرز کے اعزاز میں پرتکلف دعوت کا اہتمام کیا گیا۔  کھلاڑیوں کو دسترخوان پربٹھاکر روایتی پشاوری کھانوں اور کراچی کی مشہوربریانی سے خوب ان کی آوبھگت کی گئی۔

اس پرتکلف دعوت میں دم پخت، نمکین گوشت اور بریانی کے علاوہ مزے مزے کے دیگر پکوان بھی شامل کیے گئے تھے۔ ڈیرن سیمی ، لیام ڈاسن ، وین میڈسن ، کرس جارڈن نے دم پخت اور بریانی کا بھرپور لطف اٹھایا اور پاکستانی کھانوں کی بے حد تعریف کی۔

کھلاڑی پاکستانی عوام کی جانب سے بھرپور میزبانی پر بھی ان کا شکریہ ادا کرتے نظر آئے۔ دعوت میں پشاور زلمی کے تمام پاکستانی کھلاڑی بھی شریک ہوئے ۔

وقار نیازی(Waqar Niazi)

سٹاف ممبر، یونیورسٹی آف لاہور سے جرنلزم میں گریجوایٹ، صحافی اور لکھاری ہیں۔۔۔۔