برطانوی نوبیاہتا شاہی جوڑا پاکستان آ رہا ہے؟

برطانوی نوبیاہتا شاہی جوڑا پاکستان آ رہا ہے؟


اسلام آباد(24نیوز)  برطانوی رائل فیملی کے شہزادے ہیری اور میگھن مارکل نے 19 مئی کو شادی کی، جس کی دھوم پوری دنیا میں مچی، جہاں سوشل میڈیا پر جوڑے کےلیے نیک خواہشات کا اظہار کیا گیا، وہیں پاکستان کی قومی ایئرلائن پی آئی اے نے برطانوی جوڑے کو شمالی علاقہ جات کی سیر کرنے کی دعوت دے دی۔

تفصیلات کے مطابق پاکستان انٹرنیشنل ایئرلائنز نے ٹوئٹر اکاؤنٹ پر  شہزادہ ہیری کی والدہ آنجہانی لیڈی ڈیانا کی یادگار تصویر شیئر کی۔ جس میں انھوں نے لکھا کہ ہم نے شاہی شادی دیکھی اور لیڈی ڈیانا اور ان کے شمالی علاقہ جات کے دورے کو یاد کیا اور سوچا کہ یہ کتنا زبردست ہوگا کہ ہیری اور میگھن بھی ہمارے شمالی علاقہ جات کی خوبصورتی کو دیکھیں۔ ٹویٹ میں مزید لکھا گیا کہ ہم نوبیاہتا جوڑے کو خوش آمدید کرنے کے لیے تیار ہیں ، آپ ہمیں بتا دیں کہ آپ کب آرہے ہیں۔

اس ٹویٹ کے بعد ٹویٹر صارفین کی جانب سے پی آئی اے کے اس فیصلہ کو کافی سراہا گیا۔

اب دیکھنا یہ ہے کہ نوبیاہتا جوڑا ہنی مون کے لیے پاکستانی ائیرلائن کی جانب سے دی گئی دعوت کو قبول کرتے ہیں یا نہیں۔

 

وقار نیازی

سٹاف ممبر، یونیورسٹی آف لاہور سے جرنلزم میں گریجوایٹ، صحافی اور لکھاری ہیں۔۔۔۔